Абрахам Бос

Абрахам Бос
фр.: Abraham Bosse
Дата нараджэння	каля 1604 ці 1602
Месца нараджэння	Тур, акруга Тур[d], дэпартамент Эндр і Луара, рэгіён Цэнтр — Даліна Луары, Метраполія Францыі, Францыя
Дата смерці	16 лютага 1676(1676-02-16) ці 14 лютага 1676(1676-02-14)[…]
Месца смерці	Парыж, Каралеўства Францыя
Грамадзянства	Францыя
Жонка	Catherine Sarrabat[d]
Род дзейнасці	мастак-гравёр, майстар афорту, мастак, рысавальнік, гравёр па медзі, пісьменнік, тэарэтык мастацтва, акварэліст, дзеяч выяўленчага мастацтва
Уплыў	Melchior Tavernier (I)[d]
Уплыў на	Jeremias Falck[d]
Член у	Каралеўская акадэмія жывапісу і скульптуры
Медыяфайлы на Вікісховішчы

Абрахам Бос (фр.: Abraham Bosse; 1604, Тур — 1676, Парыж) — французскі гравёр, майстар афорта. Адзін з заснавальнікаў французскай Акадэміі жывапісу і скульптуры. Яго работы ўяўляюць сабой выявы цырымоній, святкаванняў і жыцця простага народа свайго часу.

Біяграфія

Абрахам Бос нарадзіўся ў Туры ў 1604 годзе. Яго бацькі былі гугенотамі. У 1629 годзе ён сустракае ў Парыжы вялікага афартыста-наватара Жака Кало, і гэтая сустрэча становіцца лёсавызначальнай для Боса. У 1632 годзе ён ажаніўся з Катрын Сараба. У 1641 годзе пачаў наведваць заняткі Жэрара Дэзарга. Напісаў шмат твораў па тэорыі і практыцы малявання і гравёрнага мастацтва і асабліва па тэорыі перспектывы.

Спадчына мастака ўключае вялікую колькасць гравюр, якія паказваюць сцэны з народнага побыту і таму ўяўляюць цікавасць для гісторыі XVII стагоддзя. Памёр 16 лютага (паводле іншых звестак 14 лютага) 1676 года ў Парыжы.